Direktor KEP

Kooperativa KEP, fundá na 1966, ta duna servisio ekselente pa mas ku sinkuenta aña.KEP su miembresía aktual no ta konsistí solamente di empleadonan den sektor petrolero, pero tambe di otro sektornan empresarial. 

Su liña di servisio úniko i kumbiniente ta loke prinsipalmente a pone ku KEP a krese kontinuamente durante añanan, desaroyando den un kooperativa formal i establesé ku mas ku 2600 miembro afiliá i aproksimadamente 28 mion florin na propiedat. KEP su staf tambe a desaroyá paralelamente i awe profeshonalnan kapas ta sigurá ku KEP ta wordu manehá ku vishon i ku su miembronan ta risibί e kalidat di servisio ku nan ta spera. 

Posishon den organisashon 
Direktor di KEP ta resortá hirárgikamente bou di Direktiva di KEP.

Areanan di Resultado

1. Un maneho operashonal dirigí riba desaroyo di personal i kalidat di servisio na miembronan.
2. Un maneho dirigí no solamente riba mantenshon di miembronan registrá kaba pero tambe  kresementu di miembresia.
3. Mantene e operashon di KEP den kuadro di e presupuesto anual stipulá i entregá reportahe na tempu, korekto i konfiabel;
4. Desaroyá, implementá i ehekutá un maneho moderno i dinamiko den e organisashon di KEP

Estudio

• Estudio riba nivel di “HBO” riba tereno finansiero;
• Komplementá ku estudio/training riba tereno di maneho;

Eksperensia i konosementu den trabou

• Konosementu i eksperensia den mundo finansiero
• Mínimo 3 aña di eksperensia den un posishon di “manager” den un instituto finansiero
• Eksperensia den produsí i implementá plannan di maneho
• Dirigí riba meta i resultado
• Dirigí riba kliente i un bon kalidat di servisio
• Tremendo abilidat komunikativo

Oferta
KEP ta ofresé e kandidato un posishon dinamiko den un ambiente familiar. E kandidato selekshoná lo tin tur e posibilidat pa propio desaroyo i modernisá KEP. E nivel di edukashon, konosementu i eksperensia di e kandidato ta yuda determiná e benefisionan. 

Metodo pa aplika
Pa aplika manda un meil menshonando komo tópiko “Rekruta direktor KEP” i komo anekso karta di motivashon i Curriculum Vitae. Tambe inkluí 3 persona di referensia ku por papia di bo logronan profeshonal i abilidatnan, na [email protected] no mas lat ku 16 oktober 2020. 

Un evaluashon sikólogo i tèst médiko lo ta parti di e prosedura di rekrutashon.